Hysbysiad o Gyfethol
- Cyngor Cy
- Oct 6, 2020
- 1 min read
Mesur Llywodraeth Leol (Cymru) 2011, Adran 116
RHODDIR HYSBYSIAD TRWY HYN fod Cyngor Cymuned Y Bontnewydd yn bwriadu cyfethol 1 aelod i lenwi’r sedd wag sydd ar gael ar gyfer Cynghorydd yn ward Castellmai ar Gyngor Cymuned Y Bontnewydd.
Ceisir datganiadau o ddiddordeb gan aelodau o’r cyhoedd sy’n cyflawni’r meini prawf canlynol ac sydd â diddordeb mewn cynrychioli eu cymuned ar y Cyngor Cymuned dywededig. Rhaid bod yn ddinesydd Prydain, y Gymanwlad, Iwerddon neu’r Undeb Ewropeaidd ac yn 18 oed neu’n hŷn, ac yn cyflawni o leiaf un o’r meini prawf canlynol:
• wedi’ch cofrestru fel etholwr llywodraeth leol ar gyfer yr ardal a enwir uchod; neu
• yn ystod y cyfan o’r 12 mis diwethaf, wedi bod yn berchennog neu’n denant tir neu safle arall yn y gymuned a enwir uchod; neu
• wedi bod â’ch prif neu’ch unig weithle yn ystod y 12 mis diwethaf yn y gymuned a enwir uchod; neu
• rydych wedi byw yn y gymuned, neu o fewn 4.8 cilometr ohoni yn ystod y cyfan o’r 12 mis diwethaf.[1]
Os ydych yn dymuno cael eich ystyried i gael eich cyfethol ar gyfer y sedd wag, neu’n dymuno cael rhagor o wybodaeth ynghylch rôl Cynghorwyr Cymuned, cysylltwch â’r
Swyddog Priodol, Huw Rowlands, Clerc y Cyngor, Y Goeden Eirin, Dolydd, Caernarfon, Gwynedd, LL54 7EF, (07957 513227) / cyngorbontnewydd@gmail.com erbyn 2 Tachwedd 2020.
Dyddiedig y 5 ed diwrnod hwn o Hydref 2020.
[1] Mae rhai pobl penodol wedi’u hanghymhwyso rhag ymgeisio, yn eu plith swyddogion cyflogedig y Cyngor, unrhyw un sy’n destun gorchmynion cyfyngu methdalwyr a’r rheiny sy’n destun dedfrydau o garchar yn ddiweddar.
Comments